निजगढ विमानस्थल बनाउनका लागि रुख काटिने गरी याेजना तयार छ । मन्त्री रविन्द्र अधिकारीले नै प्र्ष्टाउन खोजेपछी अब बन्नेछ ।
हो विमानस्थल बन्नुपर्छ तर अधिकाधिक पर्यावरण र भूराजनैतिक अवस्थालाई विचार पुर्याएर । कुनैपनि संरचना निमार्ण हुँदा मानव वस्तिलाई असर पर्ने गरी वा विस्थापन गरेर गर्नुभन्दा यो उत्तम विकल्प हो । विकास हुँदा विनास हुने पनि सत्य हो । तर विनास कम गर्न सकिन्छ वा क्षतिलाई परिपूर्ति गर्न सकिन्छ । सरल तरिकाले र नागरिकलाई चित्त बुझाएर ।
अहिलेको नागरिक संशय विकास विरोधी भन्दा पनि विमानस्थलका नाममा गरिने रुख फडानी र त्यसबाट प्राप्त हुने लाभको हिस्सा कहाँ कहाँ पुग्ने हो भन्ने हो । विकासका नाममै अनावश्यक रुख काट्ने र गोजी भर्ने हुन कि भन्ने संशय हो । यसको यौटै समाधान भनेकै उत्तरदायीपूर्ण विकास मोडेल हो । जसमा राज्यको जिम्मेवारीपना र जवाफदेहिता त जोडिन्छ नै सँगसँगै राष्ट्रिय गौरवका योजनामा देखिएका विगतका विसंगति नदोहोरिने आश्वस्तता अरु बढि मुखरित हुनुपर्दछ ।
२४ लाख रुख काटिनु ठुलो र प्रलयको विषय होईन । विषय मुख्य के हो भने रुख रोपेपछी काट्नै हुन्न भन्ने निम्छरो र मुढ मानसिकताका कारण हामि विकासको गतिमा अगाडि बढ्न सकिरहेका छैन । रुख काट्नुपर्छ । लगाउनुपर्छ । बेच्नुपर्छ । आय आर्जन गर्नुपर्छ । कागजमा २५ रुखले प्रतिस्थापन गरिने कानूनको पाना देखाउनु पुर्व विगतमा भएका यस्ता सम्झौता आयोजनाहरुले कत्तिको पुरा गरे त्यो देखाउनुपर्छ ।
जबसम्म रुख रोपण र त्यसको विक्रि वितरण गर्ने गरी कार्यक्रम कार्यान्वयन हुँदैन । बुढा रुख पालिरहने र अनन्तकालसम्म नकाटिने प्रथाका हामि दास हुनेछौ । त्यसपछि रुख काटिएकोमा न नागरिक विरोधमा उत्रनेछन् न अायोजना सञ्चालन गर्नेलाई आयोजनास्थलमा रुख परेपछी त्यसलाई हटाउन अनेकन पापड बेल्नुपर्ने छैन । यस्तै पापड बेलन गाह्रो भो भनेर फेरी पनि सेनालाई जिम्मा लगाउनु परेको छ । सेना अन्तिम विकल्प हुँदासम्म कार्यान्वयन गर्ने निकायको निकम्मापन पुष्टि भैरहनेछ ।
फेरीपनि विमानस्थल आवश्यक छ । नमूना नै बन्दा अझ राम्रो । समयमा बन्नु आवश्यक । समय तालिकाको आधारमा अनुगमन र जिम्मेवार बनाउन अनुगमन गर्ने निकाय प्रतिवद्द हुनु पर्ने त छदैछ । विमानस्थलको नाममा रुखलाई दुहुनो गाई बनाउने र देखाउने ६ हजार वयस्क रुख तर यथार्थमा कति कटान हुने भन्ने विश्वास नागरिकमा भइरहँदासम्म यस्ता विरोध आइरहन्छन् । गोजी भर्नेले भरिरहन्छ ।
@ॐ कारेश्वर मार्ग पुरानोबानेश्वर काठमाडौ
२०७५।५।३१
x
No comments:
Post a Comment