याङ्गो दाजु
-----------
सोध्दै गयो वा बुझ्न खो्ज्यो भने जतै कथा छन् ।
जतै संघर्ष छन् । कतै लोभलाग्दा । कतै अचम्मलाग्दा । कतै विरक्तलाग्दा । कतै
चाखलाग्दा ।
यसपाली उतारचढाव र संघर्षको कथा सुनेँ/भेटेँ ।
अँचेल पठाओ र इन्ड्राईभ भन्दा याङ्गो चल्तिमा वा प्राथमिकतामा छ ।
कारण : यात्रुलाई जुन सेवा प्रदायकले कम र
प्रतिस्पर्धी मुल्यमा सेवा प्राप्त हुन्छ स्वाभाविक रुपमा त्यही छनौट बन्छ ।
अर्को सेवा लिईरहेकालाई आफ्नो सेवा प्रयोग गर्न सक्ने
बनाउनु वा सेवाग्राहीलाई आकर्षित गर्नु, सन्तुष्ट बनाईरहनु र
बदिलएको परिवेश र आवश्यकतानुसार सेवा परिमार्जन वा अद्यावधिक गरिरहनु व्यवसायको
धर्म हो ।
यस अर्थमा यो ग्राहक वा सेवाग्राही एवं सेवा
प्रदायक वा व्यवसायी दुवैको हितमा छ ।
निकै बेरको कुराई/पर्खाईपछी इन्ड्राभ रु १०३५ मा एसेप्ट भयो । फोन सम्पर्क पनि भयो । पिक अपका लागि त्यति
इच्छुक भाव थिएन । आईपुग्न निक्कै समय लिएपछी गरेको २-३ मेसेजको रेस्पोन्स पनि भएन ।
मैले सँगसँगै याङ्गो ट्राई गरेँ । भेटियो रु ६३३
मा । उसै पनि आईपुग्न समय लगाईरहेको झोँकमा यता एसेप्ट र उता क्यान्सिल भो । जहाँ शुरुको
लोकेसन देखाईरहेको थियो त्यसबाट मुभमेन्ट नदेखेपछी उसैपनी विकल्प हेर्नै पर्यो ।
सेवा समयमा दिन ल्याङ्ग ल्याङ्ग गर्नेले पाठ पनि सिक्नै पर्छ भन्ने पनि लागो ।
ट्याक्सी नं २३६७ आइपुग्यो । २ मिनेट जति यात्रा
भैसकेपछी याङ्गोको प्रतिस्पर्धी मुल्यलाई मोबाईलको स्क्रिनमा श्रीमती/बुढीलाई देखाउँदै थिएँ । हात फर्काएर आफुतिर ल्याउँदै
गर्दा राईड क्यान्सिल भयो । ड्राईभर दाजुले राईड स्टार्ट गरेका थिएनन् वा याङ्गो
एपमा क्यान्सिल पूर्व कन्फर्मेसन मेसेज नआउदै क्यान्सिल भो । म पुरै कन्फ्यूज र
पजल भएँ ।
राईड क्यान्सिल भएपछी लगभग आधामा पाईएको अफरमा
पुरै ट्विस्ट आयो ।
क्यान्सिल भएपछी आफ्नो कमिसन नआउने र सो को
क्षतिपुर्ति गुरुजीले खोजेँ । चढिसकेपछी फेरी अर्को खोज्ने झन्झटमा म लाग्न चाहिँन
। पुन रिक्वेष्ट गर्दा उनकोमा आफ्नो रिक्वेष्ट देखाएन । डेटाको समस्या वा एपको
समस्या भगवान जानुन ।
खैर मोबाईल स्क्रिन टच र क्यान्सिल हुँदा रु ८००
मा नेगोशिएसन भो । थप रु १६७ ठाउँको ठाउँ हिडो । त्यति हुँदापनी अझै पनि रु २३५
बचत भो ।
सरल देखिएका ड्राईभरसँग त्यसपछी भलाकुसारी शुरुँ
गरेँ । उसो त म सबैसँग सधैजसो धेरै कुराकानीमा उत्रिन्न तर आज मुड चलो र शुरु गरेँ
।
घर कता हो त दाजु ? मैले सोधेँ ।
म यतै काठमाडौँको उनले भने ।
बोलीको लवज र रुप रंग बनावटबाट अनुमान गर्दै
मैले मातातिर्थ ढाक्सी तिर हो घर? भनेर सोँधे ।
एक किसिमको छक्क मिसाएर उनले कसरी मिलाउनु भो ! भने । बुझ्दै र कुरा गर्दै जाँदा थानकोट रहेछ ।
१३ वर्षदेखी निरन्तर ट्याक्सी चालक । २ सन्तानका
बाबु उनले मेरो छोरीलाई इंगित गर्दै सन्तुष्ट भावमा भने हजुरको नानीभन्दा मेरो
नानी ठुलो छ ।
७ हजार छोरी र ६ हजार छोरोको फीस लाग्छ । खाजा
खर्च यताउती गर्दा खर्चले नेटो काट्छ । धान्नै गाह्रो । उनि फुसफुसाए ।
मलेसियामा ग्लोभ्स प्याकिङ्गको काम । ७५ हजार लाग्ने
खर्चको साटो आफ्नै आफन्तको बढी भर र विश्वासमा रु १ लाख ८० हजार बुझाएर गएको काममा
तलव आउँदाको दिनमा फ्याक्ट्रीको साहु वा सुपरभाईजरको मिलेमतोमा लुटिएको पिडा पनि
सुनाए ।
ठुलो घरमा बस्थ्यौ तर पुरै घर घेरेर लुट्थे । प्रतिवाद
गर्न सकिएन । जे आरोप लगाएर जेल हालिदिए भने पनि उतै सडिन्थ्यो ।
भैगो भएन भन्ने लागो र फर्केँ ।
यो दोश्रो ट्याक्सी । अहिले त कालो प्लेटकै १० लाख
जति पर्छ । ऋण हुँदा अलि ठिक होला भनेर ट्याक्सीको लोन लिएको छु । नत्र त आफ्नै त
हो भनेर अल्छी लाग्दो रहेछ । उनले सरल तर गहिरो कुरा गरे ।
उ बेला मेरो बाउ पनि ट्याक्सी ड्राईभर । त्यै
कमाउने खाने भन्दा पनि बडो सौखिन । रु १५० पर्ने बियर र रु २१ पर्ने याक चुरोट
खानु पर्ने । दुई बिवाह गरेका । म कान्छितर्फको । त्यही सौख र सुरमा १८ रोपनी
जग्गा सकिदिएँ बाउले । उ बेला डायरी बोक्ने । के के लेख्ने । अँग्रेजीमा तगडा ।
तामिल, अंग्रेजी, हिन्दी…. नेवारी सबै बोल्न
सक्ने । रक्सी धेर खाएँ । त्यसैले होला पेरालाईसिस भो । गएँ बुढा ।
हाम्रो बाउ त खत्रा नी … उनको मुखमा गजबको चमक र शान थियो ।
श्रीसम्पती सवै बेच्दिएँ भनेतापनी बाउको
पराक्रममा छोरा रमाएको देख्दा म दँग परेँ ।
हाम्रो कुराकानी सुनिरहेकी छोरीलाई हाम्रो गफगाफ
बोरिङ्ग लागेछ । उनले भनिन बोर लागो । गित बज्दैन ?
बुढीले उ ड्राईभर अंकलले गित गाउनुहुन्छ सुन भनेर
झोस्दियो।
गित त हैन । गित गाउँने भए म मादल बजाउँछु । उनले
जिँस्कदै भने ।
मुखैले मादलुको ताल निकालेर रमाईलो गर्ने भाईरल दाजुको
चर्चा गरेपछी अन्तत उनले गित गाए ।
हजुरबाउको त्यो बिघ्न सम्पत्ती… बाउले बेच्दे…… नातीको यो गती …
मानविय स्वभाव शायद अझ हामी नेपालीको बानी के हो
भनेँ आफ्नो कथा बेथालाई सुनाउँन पाउँदा छुट्टै आनन्द लिन्छौ । उनले आफ्नो कथा
सुनाए । मैले आफ्नो सुनाएँ वा शब्दमा उतारेँ ।
प्रसँग अस्तिको थ्यो । शब्दमा उतार्छु लागिरको
थियो । हिजो भ्याईन ।
आज प्रयास गरेँ । कस्तो लागो ? मिल्ने भए भन्नुस है ।
-----------------------
बुढानिलकण्ठ टु शितलहाईट । २०८२।४।२३ काठमाडौ भ्याली….. तामाङ्ग दाजु अर्थात Taxi No 2367 सँग यात्रा अनुभव
