भाई

----------------
जताततै दुख्छ किन हाे भाई ?
अाेठतालु सुक्छ किन हाे भाई ?

देश - समाज - अाफु सम्झेर, 
ठाडो शिर झुक्छ किन हाे भाई ?

जे सुकै हाेला भन्छु तर पनि,
दिलभित्रै पुग्छ किन हाे भाई ?

जताततै दुख्छ किन हाे भाई ?
अाेठतालु सुक्छ किन हाे भाई ?
-------
सान्निध्य
२०७३।१०।२६
हाल : ॐ कारेश्वर

भन्नुपर्छ

---------------
सर्कारमा हजुरजस्ताे छैन काेही भन्नुपर्छ ।
संसारमा हजुरजस्ताे छैन काेही भन्नुपर्छ ।

दुईचार घुटकाे लगाएकाे माैका मिलाएर, 
 बजारमा हजुरजस्ताे छैन काेही भन्नुपर्छ ।

तन्त्र मन्त्र फेरिएनी सिंहदरवार उहि हाे !
दर्बारमा हजुरजस्ताे छैन काेही भन्नुपर्छ ।

-------
सान्निध्य
२०७३।१०।२६
हाल : ॐ कारेश्वर

अहोई धेर पो छ त काम । जिन्दगि भन्दा नि धेर ।

अक्षरहरु

हुण्डरी छ अक्षरहरुको । कुनै बाहिर चिरिच्याट्ट परेर फुत्कन्छन् । कुनै अकालमै मर्छन् । धेरैजसो जानाजान कैलेकाहीँ अन्जानमै हत्या गर्छु म । कठै ती बुबुराहरु !! 

=========गजल -------------------

ननुघेको शीर झुकोस्, त्यस्तो पो त गजल लेख्नु ।
नबुझेको चित्त बुझोस्, त्यस्तो पो त गजल लेख्नु ।

दु:ख पीर पर सरोस् ! भोक आफै थला परोस् !
सुन्ने मान्छे मस्त झुलोस्, त्यस्तो पो त गजल लेख्नु ।

काउकुती भित्रै लागोस् ! अन्तर्मन जुर्मुराओस् !
आनन्दमा आत्मा डुबोस्, त्यस्तो पो त गजल लेख्नु ।

मनले मनको बाटो छेकोस् ! नुबझेको प्यास मेटोस् !
खुलेआम मौका जुरोस्, त्यस्तो पो त गजल लेख्नु ।

दिल गुन्गुनाउन थालोस् ! उसै छम्म छम्म नाचोस् !
अनायसै आँखा जुधोस्, त्यस्तो पो त गजल लेख्नु ।

गाह्रो साह्रो स्वाट्ट फूकोस् ! वैरी आफै मित्र बनोस् !
उत्साहले लक्ष्य चुमोस्, त्यस्तो पो त गजल लेख्नु ।

चौतर्फी सुगन्ध चलोस् ! ईशाराले मात चढोस् !
सुतेको रहर उठोस्, त्यस्तो पो त गजल लेख्नु ।

शब्द आफै जादु गरोस् ! नमेटिने छाप बसोस् !
तालीसँगै वाह ! छुटोस्, त्यस्तो पो त गजल लेख्नु ।

प्रेयसीको आँत गलोस् ! माया बन्द कोठा बनोस् !
'सान्निध्य' यो छेउ पुगोस्, त्यस्तो पो त गजल लेख्नु ।
-म्याग्दी

२०६८।१२।०३/०६
शुक्रवार/सोमवार
हाल : गैरीगाउँ, काठमाडौँ ।

ननुघेको शिर: सान्निध्य

www.nepalighazal.com

पोष्टराज चापागाईका फेसबुक नोट्समा चाहार्दा २०६८।११।२३

केही फुर्सद निकालेर आज पोष्टराज चापागाईका नोट्स छान मारेँ । त्यो पनी हालसालैका मात्रै । पुराका पुरा सागरै रहेछन् भनुँ या बाढी । राम्रा सिर्जना पढ्दा पढ्दै बोर भएको आजै हो म । गजबको मिठास र शैली रहेछ । नाम निकै सुनेको तर पढ्ने अनुकुल नभएको बेला तथा केही फेसबुकका टाँठाबाठाहरु सिर्जना त के स्ट्याटस समेत चोरेरै काम चलाउँछन् । ति महान टाठाबाठाहरुलाई सान्निध्यको मेसेज । सकेसम्म आफ्नो पैचान बनाउनु न सके Postraj Chapagain कहाँबाट खुलेआम चोर्नु !! चोर्नुनै छ भने गतिलै चोर न ।

• Sannidhya Myagdi पाटी कोरी क ख जान्या, हिजै जस्तो लाग्छ...
  खसिराख्ने कट्टु तान्या, हिजै जस्तो लाग्छ...
  
  स्कुल जाने केटी ताकी, कान्लामाथिबाट,
  लुकीलुकी ढुङ्गा हान्या, हिजै जस्तो लाग्छ...
  
  सिनेमाको जिन्दगीलाई, साँचो सत्य मानी,
  आफूलाई हिरो ठान्या, हिजै जस्तो लाग्छ...
  
  बिहे गर्दा ठूलै युद्ध, जिते जस्तै गरी,
  मन खाकी केटी छान्या, हिजै जस्तो लाग्छ...
  
  पाटी कोरी क ख जान्या, हिजै जस्तो लाग्छ...
  खसिराख्ने कट्टु तान्या, हिजै जस्तो लाग्छ...
  (पोष्टराज चापागाई)

  35 minutes ago · · 6
• 

  Sannidhya Myagdi ‎---------------गजबको उर्जा --------Postraj Chapagain
  हेर्ने आँखा/भए खुल्ने/रङ्ग हुन्छन्/कतिकति...
  लड्ने आँट/भए जित्ने/जङ्ग हुन्छन्/कतिकति...

  33 minutes ago · · 3
• 

  Sannidhya Myagdi ‎--------Postraj Chapagain-----
  बाहिर ओठ हाँसे पनि भित्रभित्र
  किन दुखी र हतास हुन्छ मान्छे...
  
  वजनदार बन्न खोज्दा हलुङ्गो भै
  किन रुवा र कपास हुन्छ मान्छे...
  
  छातीभित्र सास छामे चल्छ तर
  किन जीवनभर लास हुन्छ मान्छे...

  30 minutes ago · · 1
• 

  Sannidhya Myagdi ‎---मनको सर्जरी वाह Postraj Chapagain-----
  जन्मदा त्यो ठूलो हुने, बढ्दै जाँदा सानो हुने
  मर्दा फेरि ठूलो हुँदै भिर पाखा चर्ने के हो...

  28 minutes ago · · 2
• 

  
  

सन्दर्भ फागू पूर्णिमा र गजल

फागूको बेलामा यूवक/यूवतीहरुको मनमा अनेक लालसा र चाहना प्रकट भएका हुन्छन् । विशेष गरी केटा मान्छेहरुका लागी फागू आफूलाई मनपरेको मान्छेसँग नजिकिने बहाना त हुँदै हो त्यो भन्दा पनी कुरकुरे वैशमा हुने नट्टिनेशलाई पोख्ने गतिलो बहाना हो । यही यूवक मनको सुषुप्त चाहनालाई प्रतिनिधित्व हुनेगरी यो संयोजन गरेको हुँ । फागूको रौनक केही आफ्नै अनुभव र दुनियाँदारीले यसलाई अरु संरचित गर्न सघाए नै ।